PISO MUSLIM YOUTH association (PMYa)

ATTENTION PMYa'ians!

2009-01-23T00:51:00.001-08:00

We need news writers for our blog...we will be conducting basic journalism training anytime next month. interested? please see ALCID SAGUIRAN...PMYa President. shukran!

2009-01-22T00:51:00.000-08:00

Bago na yamingkod na presidente ng pinaka gamhanan na banwa sang donya, Barack Obama, yaga pasad ng pag-daa na bago na mga polisiya aw reporma sang kanan mga international policies...apaningkamutan ba uman nan yang pagpatangko ng madayeg pa na human rights violations na yama-commit ng banwa nan sang kadadakuwan ng mga mangkayrap na banwa...uno uman yang epekto ng kanan pag assume ng duty sang kaislaman sang babawan ng donya? mga usip na atubagon ng madatung na mga allaw ng kanan pag-panerbisyo.[photo taken from http://channels.isp.netscape.com/whatsnewgallery.jsp?

MTF aw MinPeace, Duwa na major projects na yasungon sang bagu na umay sang Banwa ng Piso

2009-01-16T05:34:00.000-08:00

World Bank yang yaga atag ng suporta sang Bangsamoro Development Agency para sang kanilan Mindanao Trust Fund (MTF) na Projects isip Kabahin ng reconstruction and development mechanisms sang mga conflict affected areas. Sang ikaduwa na phase ng project yamaapil yang kumunidad ng Piso Bananybanay Davao Oriental sang mga aka redskiyan nang proyekto adun na tuwig. I-umbad ni Ramon Cawanan, yang baguwanay pa ma hire na Municipal Development Facilitator ng MTF adi sa Davao Oriental na dakuwa laban yang ama-benipisyo na mamakamang ng banwa sabap aatagan mismo ng kapatot yang mga lideres adi sang pag-identify ng majaw na proyekto. Idugang ni Mr. Cawanan na Well represented yang kariku ng stakeholders magkayeng ng kamangaysuwan (youth), Kawbayan (women) professionals, elders aw kariku da ng sektor sang mga konsultasyon aw mga planning sessions na paga-inagun. Apil sang Programa na amaka dawat sini na redski yang mga kalumunan ta sang layin pa na lugar sa Davao Oriental aw Compostela Valley.

Samantala halos dungan uman na yadatung na kadyawan sang Banwa ng Piso yang programa na Mindanao Innitiative for Peace [MinPeace] na i-pondohan ng United States Agency for International Development [USAID]. Inagad yang Gerry Roxas Foundation [GRF] isip yaga-implement ng programa para sang USAID, Yang BDA gyapun yang yaga kupot sini na proyekto aw yaga daa sang pamanag natun kamu adi sa Piso. Yama-imu na Area coordinator adi sa Davao si Anwar Codah [Former PMYa President] aw si Yasser Talangtalang [pmyanews.blogspot.com account maintainer] isip Project Admin officer aw documenter. Yani na programa maga-atag ng trainings sang tuo [3] ka Development Catalysts [DC] na ama-identify ng community para sang Conflict resolution skills and management. Yani na mga DC yang maga tutok sang conflict resolution dynamics nang kumunidad. [maga-atag kami ng annoucement sang amangka identify na DC i.a, -PMYanews]

Ipanginsukuran natun yang pagdatung sini na mga Development. Kung mallini kamu mag pamanu-manu sini na programa mapakay na mapag kontakanay sang mga in-charge ng project na yama mentioned.

2009-01-13T20:26:00.000-08:00

Mga Protesta ng mga utaw sang pagpamomba ng Israeli Government sa Gaza, diin madayg na mga sibilyan yang yamangka matay. Upod ta sang kanton sambayang yang kanton mga kalumunan sa sallupan aw tumabang kita magpadatung sang kariku yang kanilan bunna na sitwasyon. Adawon yang mga diskusyon sang sud nang kanton opisina, Classroom, community o mga kasilinganan. Let us help their cries be heard! [picture downloaded from www.flickr.com/photos/33234079@no6/3168346720]

PMYa'ians

"Srengthening Kagan Youth through Islamic Values towards Globalization...PMYa Takes the Challenge!

2009-01-12T02:43:00.000-08:00

Isip responde ng PMYa sang Yamagi na Islamic Seminar na ipa-awon ng Sigay organization adi sa Banwa ng Piso, na yaga Tema ng "Strenghtening Kagan Youth through Islamic Values towards Globalization", na yaga pasabot nang mga dayit inangun ng mga kamangaysuwan adun labi-labi da sang pagpakagwas ng agama ta sang agad wayn na aspeto, ipalanug nilan yang pag dawat sang challenge na ida aw piga pangiyak ng tema sidto na aktivity.

idawat ng PMYa na isip mga catalyst ng kausaban aw development na pyaga-lawong, na dapat katuntayan ng uman isa na mga batan-on yang mga addat atawa ka mga gugunawon naton na mga Kagan antak maimo naton akapag-usyat sang kadaygan pa na tribu na minini kadi kita na mga utaw, awon sarili kultura, awon madyaw na pangkatan aw awon madyaw na addat.

Ilabida na idawat ng PMYa na sa kabila ng imperfectness naton sabap sang mga impluwensya ng magilibot na mga guna, amaningkamot gyapun kita mayo ubos na makuputan yang pyaga-lawung na Islamic Values isip kanatun dakuwa na pudang na amagamit ta sang pag-datung ng piga-panganganay na kauswagan aw globalization.

Yamanginto yang PMYa na yang Islam mas yamauna pa mag-declara ng prinsipyo ng Globalization patunay nan yang pag sunod na kariuku ng kayslaman sang babawan ng dunya sang sambok gayd na kiblah.

Upod na ipangintuwan ng PMYa na pinaagi sang pagturid natun ng kanatun ginawa aw pag-apply ng kanatun ipangkatigaman, pag-pakagwas ng aan ng Allah Subahanahu wa Taala sang agad uno na wakto aw agad wayn na putika, yang pinaka dakuwa na challenge alang sang mga Kamangaysuwan adun.

Agad mayrap man tanawon aw apaningugan, i-dawat ng PMYa yang challenge na pag-paningkamot sang pagtontot ng katigam sang agad uno na field para sang pag-pakadakuwa sang Aan ng ALLAH.

apanigkamutan uman ng PMYa na makamang yang pagsalig ng mga taganak, sang kanatun mayu kagaga pinaagi sang pagbutang ng dakuwa na kapantag sang kanilan mga tambag aw pagpakabugat ng pigatudlo nilan kanaton ng addat naton na mga Muslim na Kagan.

apaninguhawon ng PMYa na agad di man ng masyado perfect, aprotektan naton yang kanaton pagka Muslim aw aparihalan ta yang leadership aw mas-ulliyah na isarig kanaton.

taduman ta ubos na kita mayo ausipon ng ALLAH aw mawnunu naton igasto yang kanton umor samtang bata pa kita. Agawsa di kita mayo ng excuse agad mangaysu pa.

We Take the challenge to think Globally and act locally. we take the challenge of taking care of our education thus by making ourselves educated and learned. we take the challenge to strive for excellence Lillahi kalimatillah! We challenge ourselves to be Muslims by deeds and not just by words no matter the pressure brought by influences in our environment!

More than everything we challenge ourselves to respect; our elders, our faith, our parents, our fellow people, our education, our development, our environment, our culture, OUR BEING YOUTHs!

these may sound so weird to some, but all these are aspirations we take as challenges.

Let's get going and practice what we preach, INSHAALLAH!

ALLAHUAKBAR!

MSU's SIGAY sa PISO

2009-01-12T02:25:00.000-08:00

Yang yaga-inusara na Kagan organization sa Mindanao State University Main campus sang pakikipagtabanga ng PMYa, yaga pa awon ng 3 days Islamic Seminar sang banwa ng Piso Proper Banaybanay Davao Oriental ningawng yamagi na December 23 to 25 sa Lecture hall ng Jamaah Capangan. Yama-imu na Tema ansidto na seminar yang "Strengthening Kagan Youth through Islamic Values towards Globalization".

According sang mga organizer, ipakita sini na tema yang kadakuwa ng challenge na piga-abaga ng mga kamangaysuwan nang Kagan Tribe sang pagpakila ng addat butad (Culture) naton, aw sang pag atag na dakuwa na kapantag sang pagtontot ng katigam isip pinaka mabugat na armas na amagamit sang pag-duso ng globalization for the Kagans.

Patigam!

2008-11-27T08:22:00.000-08:00

Piga invite nami yang kariku na magbilin nang kanilan komento sang mga published articles adi sa PMYa news. Akaliniyan nami yang kamayu mga suhestiyun aw mga pag-padayag sang kanton mga posts. ihangyu uman yang kada mga atag ng kanilan comments na mag-bilin ng kanilan pangan, address, contact number or email address. Sang minini na paagi, amaka-atag kami ng feed back kamayu kariku.

Masayun gayd yang pag-post ng comment. Sang tumoy ng kada post, awn ansinyan footnote na amabasa na yagalawng post comment. a-click mo gayd enyan pagkatapos awn malugwa sang screen na comment board. adto mo type yang kanmu comments. Apa ngayun uman kanmu ng system na a type mo yang given na text sang baba ng coment board bago mo mapublished enyan.

Aw maymu uman, mapakay gawo na share ta sang kanatun mga inagad, bayubay o kung sinu pa man yang kanatun blogspot.

kung kalliniyan mayo na mapagkontak sang maintenance sini na link, pls text 09103173887 para sang SMART 09069064291 para sang TM aw GLOBE subscribers. pls look for jared.

Shukran aw Wassalam

We can never build the future for the youth, but we can always build the youth for the future!

2008-11-27T07:02:00.001-08:00

...to our fellow youth, this is our share...

PMYA youth members in action

2008-11-10T06:09:00.000-08:00

yang mga mangaysu yang magada ng banwa kisum, dayt na atag kanilan yang kapatot na maga udyagun yang kanilan kalabutan aw katigam sang natad ng leadership. di dapat paga hikaw kanilan inyan na kapatot, suportan ta yang kariku ng kanilan mga gugunawon na pagpakadyaw sang kanton agama aw banwa.Go forward young Muslims!

MOA-AD is unconstitutional....

2008-10-27T03:54:00.000-07:00

So what?

BM-CSO consultation in Davao Region

2008-10-24T17:48:00.000-07:00

Yama awon yang Bangsamoro Civil Society Organizations' (CSOs) consultation sang pag ila ng Katanaw nilan sang hisgutanan ng Right to self-determination (RSD) ningawong yamagi na October21-23 sang tuwig na yani adto sa Greenhights Convention Center sa Davao City. I-apilan yani ng magkadayeg na lederis ng mga CSOs sang kadadakuwan ng Davao region aw mga silingan na rehiyon magunawa ng North Cotabato aw Caraga region. Upod sang mga organization na yama hadir sidto na pakarajan yang; UNyPHIL Davao region Chapters, CBCS RMC, MDFI, CBYDO, PhiLLUS, PMYO ng Panabo, BDA-Comval, LKMFI aw yang kanaton mayo PMYa. Yang lasak ng kunsultasyon yamabahin sang siyam na mga Thematic areas o mga isyu. Yani yang, politics ang governance, electoral process, social services, women and children, youth, human rights, education aw economics.

Yalugwa sang consultation na bali talaga yang suporta ng mga CSOs ta na mga kagan, sang piga-panganganay ng kariko ng Bangsamoro RSD. Di amatago sang kanilan mga output inyan na obserbasyon. Abir simpana awon mga mekanismo na i-hisgutan kabahin sang pag-apil-apil gyapun sang kasamtangan na set-up under sang framework ng Philippine Constitution aw gayd na manug yang ebidennsya na ikita sang kasambunnan na agad ununon naton mayo yang pag-atag ng manug na papag-ungaya sang sangkilid na laway, magapabilin na makagpa yang kanaton mayo luna sang kauswagan na piga lawong.

kung tanawon ta, asta gani silan (mga Filipino) buko ng madyaw yang kasinati-an sini na pang-gamhanan, mawnuno pa kuwaw kita na sagin pa sagaw mga minority. Mga minority na syempre di mapakay mapag-lumba sang kusog ng kadadaygan (majority).

kung yang majority sampay adun yaga-padayun yang pag-mulo na akaatag kanilan yang kapatot sang tama na pag-panerbisyo ng gobyerno, mawnuno kita mayu maka-duso na kanaton mayo opurtunidad sang dalum sini na sistema?

madayeg na mga usip yang yatagan ng madyaw na oras para sang diskusyon. isa da ansidto yang pag tanaw ng klaru na partisipasyon ta sang Peace process. kung simpana awn pay puruhan ng pag-kadyawn ng hisgutanang pangkalinaw tali sang Gobyerno ng Pilipinas aw ng Moro Islamic liberation Front, ma-kupot da dapat ng luna kita kamu na mga Civil society isip mga yaga-justify sang claim ng umpungan. isa da sang pag-apil-apil yang manug aw dakuwa na kasabot sang kapatot naton mayo sang kaugalingon na paghukom sang kanaton kariko na aspeto ng pag-pangibnabuhi.

akatigaman ta na yang pag-imu nang sakto na porma o parangay ng RSD yang dapat ta tutukan kay kita gyapun yang mga-im u sinyan simpana aw ma-awon yang kanaton piga-hadap. aw gayd na madayg pa bun sang sabad yang basta da gayd na yaga-pangiyak ng Right to self determination aw gayd na apabila usipon mo uno yang lask san na RSD na di bun nan amakaya i-articulate.

agawsa dakuwa yang papel naton na mga CSOs. Yang pagpakitagam sang kanaton mga kalumunan aw pag atag kanilan ng edukasyon sang minini na hisgutanan yang kinahanglan naton inangon.

Maga-pawon ng national congress ng consultation kung saan sampu ka mga representaitives maga sikun adi kanaton sa Davao.

RAMADHAN activities, Malampuson

2008-10-10T03:08:00.000-07:00

Yaga malampuson yang ipahigayun na series of activities ningawng yamagi na Ramadan na ipasi-ugdan ng PMYa. yang mga activities yaga lakip sang islamic symposium na piga inang kada dominggo, Pag-praktis ng pagligo na patay, pag-praktis ng pag-imam aw ng pag-sambayang aw mg sport events sang allaw ng EID.

Yamainang na mga Lecturer sang Ustads H. G., Ustads Teddy Mamuntuan, Ustads Mohar Generoso aw si Ustads Kadir. Si Ustads Amir Codah (Bago gayd ma-appoint na assistant IMam ng Jumaah ng Piso) yang yaga-atag ng trainings sang pagligo ng patay aw ng pag-imam upod yang pag-samabayang na i-apilan ng sampung ka-mangayso. Yani na mangaysu yang yaga imam sang dakuwa na masjid sang sud ng Puasa.

upod sidto na mga pakaradjan, yang sport activity maynang basketball aw mga parlor games para sang mga mangayso sang allaw ng eid. yaga tinabangay yang mga youth ng piso sang pag-paindog sidto na aktibidades sang luyo ng kakapusan ng kakawasan. yamalingaw uman yang mga ummahat sang Musabakatul Elmiya na i-isponsor gyapun ng PMYa.

Maliban pa sinyan, yapangatag uman ng libre na takbir mursal copy yang PMYa sang pagbatya ng khutba. Isaya laban ng mga leaders ng banwa edto na inisyatibu.

"Ipanginsukuran nami yang kariku ng suporta na ipakita ng kanami mga taganak sang malampuson nami na mga pakaradyan", lawong pa ni Alcid Saguiran, Presedente ng PMYa.

idugang ni Alcid na masunod sang planu ng PMYa yang pag-prepare para sang eidel Adha activities. Yatagan uman nan ng kabugat yang pag-pa awn ng Human Rights Training para sang sabad ng mga inagad.

BAGO NA BLOG NG PMYa--pinaka-una sang kasaysayan ng kagan youth organizations

2008-10-10T02:55:00.000-07:00

Ikatigaman na yang Piso Muslim Youth association o PMYa yang pinakauna na organisasyon ng mga kagan youth na yamaka pa awn ng blog spot isip tubag sang panginahanglan naton na maka apas sang bago na teknolohiya na available adun. sugin pa sang innitiator ng blog na si Jared, "isa yang blog sang major na piga-gamit adun sang tibuuk kalibutan na agiyanan ng impormasyon o maskin dawah", idugang pa ni jared na Yang blog magunawa ng kadaygan na teknolohiya awn kasapadan na da sang manusya aw gayd kung amagamit sang kadyawan ilabi da yang pag pa kuyanap ng aan ng ALLAH subahanahu wa taala, dakuwa laban yang amaymu na kapantag kaysa sang mga kya anadan da ta na mga paagi. yani sabap sang madayg sang kanaton mga shabab or youth adun yaga gamit da ng internet aw matigam da sang madayg na himan ng communication.

" so why not use what is available?" matud pa ni jared. Si Alcid Saguiran, yang presedente ng PMYa yaga padayag nang kanan kalipay sang yama awn na blog spot. " mas majaw na instead maga browse kita sang kadaygan na mga sites na kung tanawn ta yamaka-simang da sang bitikan ng agama, why not share your opinions adi sang blog ta?" idugang pa nan na mas majaw kung maka-imu uman ng madayg pa na blog yang kanaton mga kalumunan adi sa Davao.